Cuireann Gluaiseacht an Phobail i gcoinne gach beartas chun ollstát feidearálach a dhéanamh den Aontas Eorpach agus oibríonn sí chun cumhacht na saoránach, an daonlathas, agus an chóir shóisialta a chosaint agus a leathnú in Éirinn.

---

People's News - 23 Iúil 2010

Tá an t-eagrán is déanaí de People's News dar dáta an 23 Iúil 2010 le fáil anois ón nasc seo (371 KB).

Tá sean-eagráin den nuachtlitir le fáil anseo.

---

Droichead Nua, Co. Chill Dara

Gluaiseacht an Phobail
Paráid Postaer
Cá bhfuil poist Liospóin anois?
Paráid le postaeir na bpáirtithe a bhí ar son Chonradh Liospóin
Dé Sathairn, 14 Lúnasa 2010, 2:00 p.m.
Ionad cruinnithe: Oifig an Phoist
Éilímis na poist a gealladh dúinn dá nglacfaí leis an gConradh!
Beidh fáilte roimh chách.

---

An bhreith i gcás Laval deimhnithe ag an Ardchúirt

Thug an Ardchúirt breith, an 30 Meitheamh 2010, a dheimhnigh gur fhág breith na Cúirte Breithiúnais Eorpaí i gcás Laval gur féidir le conraitheoirí ó bhallstáit den AE a bhfuil rátaí ísle pá iontu seirbhísí a sholáthar in Éirinn agus caitheamh lena gcuid oibrithe de réir na mbuntéarmaí oibre atá i bhfeidhm sa tír ina bhfuil siad lonnaithe - ach amháin sna hearnálacha a bhfuil Comhaontú Fostaíochta Cláraithe (REA) iontu. Tá tuairisc ar an mbreith le fáil anseo.

---

An ghéarchéim sa tseirbhís sláinte

Cainteoirí ag cruinnithe sa Mhuileann gCearr (in uachtar) agus i nDroichead Nua.

Ag cruinnithe poiblí a d'eagraigh Gluaiseacht an Phobail i nDroichead Nua, an 16 Meitheamh, agus sa Mhuileann gCearr, an 22 Meitheamh, labhair Marie O'Connor, iriseoir agus údar Emergency: Irish hospitals in chaos, agus Mary Crotty, ball de choiste náisiúnta na Gluaiseachta, faoin ngéarchéim ina bhfuil an tseirbhís sláinte; phléigh siad na gnéithe náisiúnta agus Eorpacha den cheist faoi seach. Tá téacsaí na gcainteanna le fáil anseo (O'Connor) agus anseo (Crotty).

---

Agóid lasmuigh d'oifig an Choimisiúin

D'eagraigh Gluaiseacht an Phobail agóid lasmuigh d'oifigh an Choimisiúin Eorpaigh i mBaile Átha Cliath, Dé hAoine, 18 Meitheamh 2010, mar gheall ar an socrú nua a thabharfaidh cead don Choimisiún buiséad na hÉireann a mheas sula leagfar é os comhair na Dála.

Tá an bhileog le léamh anseo. Tá preasráiteas le léamh anseo.

---

Tá postanna Liospóin uainn anois!

Bhí craobh na Gaillimhe de Ghluaiseacht an Phobail ag éileamh na bpostanna a gealladh dúinn i rith an reifrinn ar Chonradh Liospóin lasmuigh de chruinniú a d'eagraigh Pairtí an Lucht Oibre ar chúrsaí fostaíochta, an 17 Meitheamh. Tá preasráiteas le léamh anseo.

---

Cá bhfuil poist Liospóin anois?

Paráid na bpostaer ag fágáil Theach Laighean.

D'eagraigh Gluaiseacht an Phobail paráid postaer trí lár chathair Átha Cliath, Dé Sathairn an 12ú Meitheamh, dhá bhliain go díreach tar éis an reifrinn inar dhiúltaigh votóirí na hÉireann do Chonradh Liospóin. Agus posteair mhímhacánta reifrinn a gheall go gcruthófaí poist da nglacfaí le Conradh Liospóin á n-iompar acu, dhírigh baill na Gluaiseachta aird an phobail ar cheist atá á cur ag mórán daoine: 'cá bhfuil poist Liospóin anois?' Fágadh litir inar cáineadh polasaithe na bpríomhpháirtithe ag Teach Laighean don Chomhaontas Glas, agus ag oifigí na bpáirtithe eile.

D'fhág Patricia McKenna litir ag oifig an Lucht Oibre.

Bhí bruscar stairiúil le feiceáil in íoslach an Lucht Oibre.

D'fhag Mary Crotty litir ag oifig Fhine Gael.

D'fhág Kevin McCorry litir ag oifig Fhianna Fáil.

Tá téacs na litreach a chuireamar chuig na polaiteoirí le léamh anseo.

---

An Treoir um Chúram Sláinte

Tá treoir i dtaobh cheart na n-othar chun cúram sláinte a fháil i mballstáit eile á moladh ag an Aontas Eorpach agus d'fhéadfadh sí dochar mór a dhéanamh do sholáthar na seirbhísí sláinte in Éirinn. Tá leabhrán a d'fhoilsigh Gluaiseacht an Phobail ar an ábhar le fáil anseo.

Ar son an fhlaithis, an daonlathais agus na córa sóisialta.