Vótáil Níl!

Comhairle ó cheardchumann

Ceanncheathrú Mandate

Géarcheim san AE

Chualathas an chaint thíos ag comhdháil dar theideal 'Géarchéim san AE' i mBÁC, an 7-8 Deireadh Fómhair 2011:


Alex Gordon ón RMT, ceardchumann Sasanach, ag caint ar an gceist 'Ar chur i gcéill í an "Eoraip Shóisialta"?'

Tugann an tAE buille do chearta na n-oibrithe

Mar chuid den Chomhaontú Ginearálta um Thrádail Seirbhísí atá á phlé faoi scáth an WTO (an Eagraíocht Dhomhanda Trádála), beidh an tAontas Eorpach toilteanach margadh na hEorpa a oscailt do sholáthróirí seirbhísí ó thíortha eile ar fud na cruinne - cinneadh a dhéanfadh dochar mór do théarmaí fostaíochta na
n-oibrithe in Éirinn agus i mballstáit eile an AE. Gheofar bileog a d'eisigh Gluaiseacht an Phobail ar an gceist anseo.

Baile Átha Cliath

ICTU/ETUC
Lá Agóide ar fud na hEorpa
I gCoinne Ciorraithe!
Teacht le chéile ag Anglo-Irish Bank, Faiche Stiabhna
roimh dhul ar aghaidh go dtí Dáil Éireann
Dé Céadaoin, 29 Meán Fómhair 2010, 12:45 p.m.

An bhreith i gcás Laval deimhnithe ag an Ardchúirt

Thug an Ardchúirt breith, an 30 Meitheamh 2010, a dheimhnigh gur fhág breith na Cúirte Breithiúnais Eorpaí i gcás Laval gur féidir le conraitheoirí ó bhallstáit den AE a bhfuil rátaí ísle pá iontu seirbhísí a sholáthar in Éirinn agus caitheamh lena gcuid oibrithe de réir na mbuntéarmaí oibre atá i bhfeidhm sa tír ina bhfuil siad lonnaithe - ach amháin sna hearnálacha a bhfuil Comhaontú Fostaíochta Cláraithe (REA) iontu. Tá tuairisc ar an mbreith le fáil anseo.

Cuireann ceardchumannaithe ón nGréig i gcoinne Chonradh Liospóin

Tá litir curtha ag ceardchumannaithe ón nGréig chuig eagarthóir an Irish Times a mholann vóta i gcoinne Chonradh Liospóin i reifreann na seachtaine seo chugainn. Tá an litir le léamh anseo.

Conradh Liospóin cáinte ag TUC na Breataine

Tá Comhdháil na gCeardchumann sa Bhreatain tar éis glacadh le rún ina bhfuil an méid seo a leanas:

'Congress reaffirms its opposition to ECJ rulings such as the Viking case, which also allow for attacks on collective agreements, and it reiterates that the Lisbon Treaty would exacerbate attacks on trade unions by handing greater powers to the ECJ to interpret disputes concerning the Charter of Fundamental Rights.'

Tá an rún le léamh ina iomláine anseo.

Tacaíonn Ryanair le Conradh Liospóin

Tá Michael O'Leary, cara mór le cearta na n-oibrithe agus leis an tseirbhís phoiblí, ag obair ar son 'Tá' sa reifreann. Tá a raibh le rá aige faoin gconradh (agus fúthusan atá ina choinne) le feiceáil anseo.

Cuireann an TEEU i gcoinne Liospóin

Ag labhairt dó ag Scoil Desmond Greaves i mBaile Átha Cliath, dúirt rúnaí ginearálta tofa an TEEU go bhfuil an ceardchumann ag cur i gcoinne Chonradh Liospóin toisc nach bhfuil prótacal faoin bhforbairt shóisialta sa chonradh. Tá an ráiteas iomlán le léamh anseo. [11 Meán Fómhair 2009]

Learpholl, Sasana

Ceardchumann an RMT
Cruinniú ar chiumhais an TUC
'Bíodh meas ar "Níl" na héireann; tabhair droim láimhe do Chonradh Liospóin'
The Liverpool Bar, 14 James Street, Learpholl
Dé Luain, 14 Meán Fómhair 2009, 12:30 p.m.
Cainteoirí: Bob Crow (RMT), Jimmy Kelly (Unite), Frank Keoghan (Gluaiseacht an Phobail), Joe Higgins MEP (Páirtí Sóisialach).

Cinneadh SIPTU ina chúis díomá

Is cúis díomá do Ghluaiseacht an Phobail é an cinneadh a rinne SIPTU tacú le Conradh Liospóin, ach tugtar faoi deara go bhfuil mórán ábhar imní léirithe sa ráiteas 'tacaíochta' a d'eisigh an ceardchumann. Féach an preasráiteas iomlán anseo.

An Eoraip Shóisialta 'san úir le fada'

Mar fhreagra ar ráiteas ó Blair Horan thar ceann 'Charter', grúpa a thacaíonn le Conradh Liospóin, d'áitigh rúnaí Ghluaiseacht an Phobail, Frank Keoghan, go bhfuil an Eoraip Shóisialta 'san úir le fada' agus gur ar son an mhargaidh seachas ar son na n-oibrithe a bhíonn an Chúirt Bhreithiúnais Eorpach ag rialú anois. Tá an ráiteas iomlán le léamh anseo.

Achoimre ar bhreitheanna Eorpacha

Ar chuir na breitheanna a thug an Chúirt Bhreithiúnais Eorpach i gcásanna a bhaineann le cearta na n-oibrithe le déanaí mearbhall ort? Má chuir, b'fhéidir go mbainfidh tú leas as achoimre leathanaigh a d'eisigh Gluaiseacht an Phobail agus atá le fáil anseo i leagan amach PDF.

Dumpáil shóisialta á tuar de bharr dréacht-treorach

Tá dumpáil shóisialta á tuar de bharr na moltaí i dtaobh obair shéasúrach atá le fáil i ndréacht-treorach de chuid an AE. Tá bileog a d'eisigh Gluaiseacht an Phobail ar an gceist le léamh anseo.

Cás Lucsamburg

Tá leabhrán foilsithe ag Gluaiseacht an Phobail ar an mbreith a thug an Chúirt Bhreithiúnais Eorpach i gcás Lucsamburg - breith a léiríonn uair amháin eile go mbuann cearta na bhfostóirí ar chearta na n-oibrithe san AE. Tá an leabhrán le fáil i bhfoirm PDF anseo.

Prótacal sóisialta á lorg ag ceardchumainn na hEorpa

Tá comhdháil Eorpach na gceardchumann (ETUC) tar éis iarraidh ar an gComhairle Eorpach glacadh le polasaí soiléir daingean ar son cearta sóisialta mar chuid de na 'cosaintí' a thabharfar d'éirinn idir seo agus an chéad reifreann eile ar Chonradh Liospóin.

Tá litir curtha ar aghaidh chuig ceannairí stáit is rialtais an Aontais Eorpaigh, agus chuig uachtaráin Choimisiún agus Pharlaimint na hEorpa.

Gheofar eolas breise ar shuíomh gréasáin an ETUC anseo.

Léamh na Cúirte Oibreachais ar chás Laval

Thagair an Chúirt Oibreachais do chás Laval le déanaí agus cás a thug fostóirí i gcoinne an REA* ('Comhaontú Fostaíochta Cláraithe') i dtionscal na conraitheoireachta leictreachais faoi chaibidil aici. Seo a raibh le rá ag an gCúirt:

'... it seems reasonably if not absolutely clear to the Court that in the absence of an Registered Employment Agreement contractors from other Member States could exercise their freedom to provide services in this jurisdiction under the EC Treaty at the same rates and conditions of employment as apply in their country of origin. Depending on the country of origin this could seriously undermine the competitive position of Irish contractors.'

Ach ar ndóigh, is mó an seans go mbainfear na boinn ó phá na n-oibrithe! Is cosúil go dtabharfaidh na fostóirí an caingean seo ar aghaidh chuig na cúirteanna sibhialta - tubaist a bheidh ann do na hoibrithe má éiríonn leo.

[*Is é is REA ann comhaontú uilíoch maidir le pá agus le téarmaí oibre i dtionscal ar leith. Dhá cheann is fiche díobh atá ann ar fad, iad go léir cláraithe ag an gCúirt Oibreachais agus éifeacht dlí leo.]

Tuarascáil ar chás Lucsamburg

Tá tuarascáil nua eisithe ag Gluaiseacht an Phobail ina scagtar na himpleachtaí a bhaineann leis an mbreith a thug an Chúirt Bhreithiúnais Eorpach i gcás Lucsamburg le déanaí - breith a chuir laincis úr ar shaoirse na mballstát chun dlíthe oibreachais agus córais chaidrimh tionsclaíoch náisiúnta a chur i bhfeidhm ar sholáthróirí seirbhísí ó thíortha eile.

Tá an tuarascáil le fáil anseo i leagan amach PDF.
[4 Feabhra 2009]

Oibrithe iarnróid i gcoinne pholasaithe an AE

Ghlac na mílte oibrithe iarnróid ó thíortha na hEorpa páirt i léirsiú i bPáras, an 13 Samhain, i gcoinne bheartas an AE chun córas na n-iarnród a liobrálú. Bhí níos mó ná 20,000 oibrithe páirteach san agóid agus d'iompraíodar bratacha i mBéarla, i bhFraincis agus i nGearmáinis a cháin an liobrálú agus a chuir i gcoinne Chonradh Liospóin.

Paimfléad nua eisithe ag Gluaiseacht an Phobail

Tá paimfléad nua dar teideal The Lisbon Treaty: Issues for Workers curtha amach ag Gluaiseacht an Phobail. Ar na hábhair a phléitear sa phaimfléad tá 'acmhainní dílse' an AE, príobháidiú na seirbhísí poiblí, agus an beartas chun córais an dlí shibhialta agus an dlí choiriúil a chomhchuibhiú i measc bhallstáit an Aontais. Tá cóip den phaimfléad le léamh anseo.

Bileog nua i dtaobh cearta oibrithe

Tá Glauiseacht an Phobail ag dáileadh bileoige mar gheall ar bhreitheanna a thug an Chúirt Bhreithiúnais Eorpach le déanaí. Chun an bhileog a fháil i leagan amach PDF, buail ar an íomhá thíos.

Breith cúirte cáinte ag Gluaiseacht an Phobail

Cháin Gluaiseacht an Phobail breith a thug an Chúirt Bhreithiúnais Eorpach i gcás a tógadh i gcoinne rialtas Lucsamburg, á rá go dtugann sí tús áite do riachtanais an mhargaidh seachas do chearta na n-oibrithe.

  • Tá an ráiteas ó Ghluaiseacht an Phobail le léamh anseo.
  • Tá impleachtaí na breithe is déanaí pléite anseo.
  • Tá mionscagadh ar an mbreith a tugadh i gcás Lucsamburg le léamh anseo.

Achainí i gcoinne Chonradh Liospóin

Tá 707 ceardchumannaí as ceithre thír fichead ar fud na hEorpa tar éis achainí a shíniú a iarrann ar mhuintir na héireann vótáil i gcoinne Chonradh Liospóin. Tá sí le léamh anseo.

Fáiltíonn Ghluaiseacht an Phobail roimh chinneadh SIPTU

Thréaslaigh Gluaiseacht an Phobail a gcinneadh le baill SIPTU toisc nár chuir 'féirín' na Cairte um Chearta Bunúsacha púicín orthu. Léigh an preasráiteas anseo.

Cuireann an TEEU i gcoinne Chonradh Liospóin

Tá moladh tugtha ag an TEEU, an ceardchumann ceirde is mó, don 45,000 ball atá acu vótáil 'Níl' sa reifreann ar Chonradh Liospóin. I bhfianaise roinnt breitheanna a thug an Chúirt Bhreithiúnais Eorpach le déanaí, creideann Eamon Devoy, rúnaí ginearálta tofa an TEEU, go bhfuil 'an roth tar éis casadh i gcoinne cheart na n-oibrithe agus i dtreo na ngnólachtaí móra'. Le haghaidh tuairisc iomlán, féach anseo.

Tuairimí dlí ar chearta na gceardchumann

Tá dhá thuairim dlí le fáil anseo ar na himpleachtaí a bhaineann leis an mbreith a thug an Chúirt Bhreithiúanais Eorpach i gcás Laval le déanaí do shaoirse na gceardchumann. Féach laval1.pdf agus laval2.pdf.

Cé chomh bunúsach is atá ceart stailce na n-oibrithe?

Tá imní ag teacht ar cheardchumannaithe faoi cheart stailce na n-oibrithe de bharr breithe a thug an Chúirt Bhreithiúnais Eorpach le déanaí. Tá tuilleadh le léamh anseo. [Feabhra 2008]

An Chairt um Chearta Bunúsacha

Bailigh an leagan leasaithe (Feabhra 2008) de ghrinnscrúdú atá déanta ag Gluaiseacht an Phobail ar Chairt um Chearta Bunúsacha an AE:

Tá téacs iomlán na cairte le fáil anseo.

Tugann cúirt an AE faoi chearta na gceardchumann

Tá Gluaiseacht an Phobail tar éis an tuairisc seo a eisiúint faoin mbreith thromchúiseach a thug an Chúirt Bhreithiúnais Eorpach i gcás Vaxholm i mí na Nollag 2007.

Naisc do cheardchumannaithe

Cuirfidh ceardchumannaithe atá buartha faoi bhrú leanúnach an AE ar son an liobrálachais eacnamaíochta, an phríobháidithe agus an dírialaithe suim sna suímh ghréasáin seo a leanas:

Ionsaithe nua ar chearta na gceardchumann

Agus cinneadh na Cúirte Breithiúnais Eorpaí i gcás Vaxholm fós le fógairt, tá ionsaithe nua déanta ar chearta na gceardchumann, mar is léir ó bhreith a thug Cúirt na hEorpa um Chearta an Duine le déanaí - breith nár tugadh mórán airde uirthi - agus freisin ó pháipéar uaine a d'eisigh Coimisiún na hEorpa faoin teideal Modernising labour law to meet the challenges of the 21st century.

Má tá tuilleadh eolais uait, bailigh an dá cháipéis .pdf anseo ar bhreith na cúirte agus ar an bpáipéar uaine [Feabhra 2007].

Ceart stailce faoi bhagairt ón Aontas Eorpach

Tabharfaidh an Chúirt Bhreithiúnais Eorpach dhá bhreith i dtús na mhíosa seo chugainn a chinnteoidh cé acu an mbeidh nó nach mbeidh sé de cheart bunúsach ag lucht oibre na hEorpa dul ar stailc. éistfear dhá chás os comhair na Cúirte, an 9 agus an 10 Eanáir, a thóg an Viking Line, comhlacht loingis ón bhFionnlainn, agus Laval, comhlacht tógála ón Laitvia, i gcoinne ceardchumannaithe a raibh sé de dhánaíocht acu dul ar stailc. Tá na sonraí le léamh anseo i leagan amach .pdf[Nollaig 2006].

Tá an tuairisc is déanaí ar éisteacht an cháis seo os comhair na Cúirte Eorpaí le léamh anseo [Eanáir 2007].

Cuirigí i gcoinne Threoir na Seirbhísí!

Bua do na fostóirí móra is ea Treoir na Seirbhísí - caithfear gníomhú láithreach chun brú a chur ar an Dáil le cinntiú nach gcuirfear i bhfeidhm í! Léigh leat anseo. [December 2006]

Léirscaoileadh na trádála agus an AE

'Seacht mbealach déag ina bhfuil Coimisiún an Aontais Eorpaigh ag cur iallaigh ar thíortha bochta glacadh le liobrálachas trádála' - sin an teideal de ghrinnstaidéar úr téagartha le Mark Curtis. Léigh an tuairisc iomlán anseo i leagan amach .pdf [Nollaig 2006].

Treoir na Seirbhísí

Scrúdú nua le Brian Denny ar na tuairimí éagsúla atá ann mar gheall ar Threoir na Seirbhísí tar éis a 'leasaithe'. Léigh an t-alt anseo i leagan amach .pdf [Nollaig 2006].

Bailigh tuairisc ar an díospóireacht a bhí ag TUC na Breataine i dtaobh dhréachtbhunreacht an Aontais Eorpaigh:
Cuireann TUC na Breataine i gcoinne dhréachtbhunreacht an AE.


Ar son an fhlaithis, an daonlathais agus na córa sóisialta.